ತುಳು ಪೌರಾಣಿಕ ಯಕ್ಷಗಾನ

ಯಕ್ಷಗಾನ ಅನನ್ಯತೆ ಉಳಿಸಿ

ಯಕ್ಷಗಾನದಲ್ಲಿ ವೈರಸ್‌

• ತೆಂಕಿನ ಸಮಸ್ಯೆ ಏನೆಂದರೆ ಇದರೊಳಗೆ ವೈರಸ್‌ ಸೇರಿಕೊಂಡಿದೆ. ಒಳ್ಳೆಯದು ಹೊರಗೆ ಹೋಗುತ್ತಾ ಇದೆ. ಹಾಗೆ ಹೋದದ್ದು ಮತ್ತೆ ಒಳಗೆ ಬರುವುದಿಲ್ಲ. ಕಾಲದ ಕರೆ ಸ್ವೀಕರಿಸದ ಕಲೆ ಕಾಲಗರ್ಭಕ್ಕೆ ಹೋಗುತ್ತದೆ. ಹಾಗೆಂದು ಯಕ್ಷಗಾನಕ್ಕೆ ಹೊಂದದ ಸಂಗತಿಗಳನ್ನು ಸಿಕ್ಕಿಸಿಕೊಳ್ಳುವುದಲ್ಲ.
• ಆಲ್‌ ಮಲ್ಲ ದುರ್ದುಂಡಿಯಾ, ಶೂರ್ಪನಖೀಯಾ, ಆಂವ ಧರ್ಮರಾಯ, ನಾರದ ಮಹರಾಯ ಎಂಬಂಥ ವಾಗ್‌ರೂಢಿ ನಮ್ಮಲ್ಲಿದೆ.
• 60 ವರ್ಷಗಳಿಂದ ಯಕ್ಷಗಾನದಲ್ಲಿ ಅದ್ಭುತ ತುಳು ವಾš¾ಯ ಮೂಡಿಬಂದಿದೆ.
• ಶೇಣಿ, ಸಾಮಗರಂಥ ಯಕ್ಷರಂಗದ ದಿಗ್ಗಜರನ್ನು ಕರಾವಳಿ ಕರ್ನಾಟಕ ಹಿರಿಯ ಕಲಾವಿದರು ಎನ್ನುವುದಲ್ಲ ಸ್ವಾಮೀ, ಅವರನ್ನು ಭಾರತದ ಶ್ರೇಷ್ಠ ಕಲಾವಿದರು ಎಂದೇ ಕರೆಯಬೇಕು.
• ಕಟ್ಟೆಯಿಂದ ಹೊಟೇಲ್‌ ವರೆಗೆ, ಮನೆಯಿಂದ ಅಂಗಡಿ ವರೆಗೆ ಯಕ್ಷಗಾನದ್ದೇ ಚರ್ಚೆ, ಒಂದೊಮ್ಮೆ ಜಗಳ.
• ಕರಾವಳಿಯುದ್ದಕ್ಕೂ 40-42 ಪೂರ್ಣಾವಧಿ ಮೇಳಗಳು, ನೂರಾರು ಅರೆ/ಹವ್ಯಾಸಿ/ಮಹಿಳಾ ತಂಡಗಳು, 1,200 ಮಂದಿ ಪೂರ್ಣಾವಧಿ, 300 ಅರೆಕಾಲಿಕ, 5,000 ಹವ್ಯಾಸಿ ಕಲಾವಿದರು ಸೇರಿದಂತೆ 12,000ದಿಂದ 14,000 ಪ್ರದರ್ಶನಗಳನ್ನು ನೀಡುತ್ತಿರುವುದು ವಿಶ್ವದಲ್ಲೇ ದಾಖಲೆ. 1930ರಿಂದೀಚೆಗೆ ಕನ್ನಡದ ಶ್ರೇಷ್ಠ ವಾš¾ಯವನ್ನು ಯಕ್ಷಗಾನ ತಾಳಮದ್ದಲೆ ಕಟ್ಟಿಕೊಟ್ಟಿದೆ.

ಉಜಿರೆ ಅಶೋಕ ಭಟ್ಟರ ಪ್ರಾತ್ಯಕ್ಷಿಕೆಯಲ್ಲಿ

• ಬಣ್ಣದ ವೇಷದ ಪ್ರಾಚಾರ್ಯರಂತೆ, ಗುಂಡು ಕಿರೀಟದ್ದು ಉಪ ಪ್ರಾಚಾರ್ಯರಿದ್ದ ಹಾಗೆ (ತಮಾಷೆಗೆ ಹೇಳಿದ್ದು ಸ್ವಾಮಿ)
• ಹೆಣ್ಣು ಬಣ್ಣದ ವೇಷ ಹೇನು ತುರಿಸುತ್ತದೆ, ಒತ್ತಿ ಸಾಯಿಸುತ್ತದೆ. ಈಗಿನ ಹುಡುಗಿಯರಿಗೆ ಹೇನು ಇಲ್ಲ. ಏಕೆಂದರೆ ಅಷ್ಟು ಕೂದಲು ಇಲ್ಲವಲ್ಲ.
• ಭೀಮನ ಗದೆ ಮರದ್ದು ಇರಬೇಕಿತ್ತು, ಇಷ್ಟು ದೊಡ್ಡ ಗಾತ್ರದ(ಸ್ಟೀಲಿನದು)ಲ್ಲ. ಇರಲಿ; ಇದು ವಿಶ್ವ ನುಡಿಸಿರಿ ವಿರಾಸತ್‌ ಅಲ್ಲವೇ?
• ಆಳ್ವಾಸ್‌ನಲ್ಲಿ 2 ಮೇಳ ಹೊರಡಿಸುವಷ್ಟು ಮಂದಿ ತಯಾರಾಗಿದ್ದಾರೆ.

ಸ್ತ್ರೀ ವೇಷಧಾರಿ `ಮ್ಯಾಡಂ`

ಸ್ತ್ರೀವೇಷ ಕುಣಿತದ ಬಳಿಕ ವೇಷದ ವಿವರಣೆ ನೀಡಲುಪಕ್ರಮಿಸಿದ ಉಜಿರೆ ಅಶೋಕ ಭಟ್ಟರು `ಮ್ಯಾಡಂ, ಮ್ಯಾಡಂ ಕುಳಿತುಕೊಳ್ಳಿ` ಎಂದಾಗ ವೇಷಧಾರಿ ದೀವಿತ್‌ ಕೋಟ್ಯಾನ್‌ ತಬ್ಬಿಬ್ಬು. ಕೊನೆಗೆ ಭಟ್ಟರು `ನೀವೀಗ ಸ್ತ್ರೀ ವೇಷದಲ್ಲಿ ಇದ್ದೀರಲ್ಲ, ಹಾಗೆ ಮ್ಯಾಡಂ ಎಂದು ಕರೆದೆ` ಎಂದಾಗ ಕೋಟ್ಯಾನ್‌ ಮುಖದಲ್ಲಿ ಮುಗುಳ್ನಗೆ.

ಇದೇ ವೇದಿಕೆಯಲ್ಲಿ ದೊಡ್ಡಾಟ, ಸಣ್ಣಾಟ ಹಾಗೂ ಶ್ರೀಕೃಷ್ಣ ಪಾರಿಜಾತ ಪರಂಪರೆಯ ಕುರಿತು ಡಾ| ಶ್ರೀಶೈಲ ಹುದ್ದಾರ್‌ ಪರಿಚಯಾತ್ಮಕ ಉಪನ್ಯಾಸವಿತ್ತರು. ಡಾ| ಬಸಲಿಂಗಪ್ಪ ಹಿರೇಮಠ ಪ್ರಾತ್ಯಕ್ಷಿಕೆ - ವಿವರಣೆ ನೀಡಿದರು. ಡಾ| ಸೌಮ್ಯ ಸರಸ್ವತಿ ಪದ್ಯಾಣ ನಿರೂಪಿಸಿದರು.



ಕೃಪೆ : http://udayavani.com